Парижда Президент Шавкат Мирзиёевнинг Францияга давлат ташрифи арафасида ўтказилган Ўзбекистон—Франция бизнес-форуми доирасида Миллий банк Франциянинг Credit Agricole банки билан 300 миллион евролик шартнома имзолади.
Шартнома экспорт кредит агентликлари суғурта қопламаси остида француз банкининг кредит линияси ҳисобидан Ўзбекистондаги инвестиция лойиҳаларини молиялаштиришни назарда тутади. Credit Agricole Франция ва бошқа Европа мамлакатларидан ускуналар ва технологияларни етказиб бериш бўйича савдони молиялаштириш бўйича хизматларни таклиф қилишга тайёр.
Миллий банк томонидан имзоланган кредит шартномаси янги сармоя бозорларидан фойдаланиш имкониятини очиб беради, бу узоқ муддатли кредит ресурсларини янада қулайроқ шароитларда жалб этиш имконини беради.
Credit Agricole фақат кредит ресурслари билан чегараланиб қолмай, ўзбек тадбиркорларига француз бизнеси билан алоқаларни йўлга қўйиш бўйича консалтинг хизматларини тақдим этади.
Француз банки кредит линияси давлат кафолатисиз жалб эҳтилиши халқаро молия институтларининг Ўзбекистон ва унинг банк муассасаларига ишончи ортиб бораётганидан далолат беради.
Маълумот учун, Credit Agricole Франция ва Европа банк хизматлари бозорида етакчи бўлиб, дунёнинг 50 мамлакатида 52 миллиондан ортиқ мижозга хизмат кўрсатади. Гуруҳ активлари 1,82 триллион евро баҳоланади ва дунёнинг энг йирик 50 банки орасида 13-ўринни эгаллайди.
Эслатиб ўтамиз, олдинроқ Миллий банк Франциянинг NATIXIS банки билан 500 миллион еврога тенг кредит битимларини имзолагани билдирилганди.
Изоҳ (0)