Миннесотада маст қушлар шаҳар аҳолисини безовта қилмоқда
АҚШнинг Миннесота штатида жойлашган кичик шаҳар аҳолиси пишган мевалардан кўп еб, ўзини мастдек тутаётган қушлардан шикоят қилмоқда. Бу ҳақда «РИА Новости» хабар берди.
Гилдберг шаҳарчасида қушларнинг ўзини ғалати тутиши билан боғлиқ ҳолатлар кўпаймоқда, улар биноларнинг деразаларига урилмоқда, машиналарга қараб учиб бормоқда ва ўзини ғалати тутмоқда. Маҳаллий полицияга аҳолидан кўплаб шикоятлар келиб тушган.
Полиция томонидан маълум қилинишича, шаҳарчада ўсадиган баъзи дарахтларнинг мевалари эрта совуқ сабабли одатдагидан вақтлироқ ачий бошлаган, совуқ ачиш жараёнини тезлштириб юборган. Меваларни еган қушлар эса ўзини ғалати тутмоқда.
Орегон штати университети томонидан таъкидланишича, октябрь ойи давомида ачиб қолган меваларни еган қушлар мастдек ғалати тутиши мумкин.
Полиция бошлиғининг сўзларига кўра, жорий йилда маст қушлар билан боғлиқ вазийят жиддийроқ. Кўплаб қушлар ҳали жанубга учиб кетмаган, шунинг учун уларнинг сони ўтган йилдагидан кўпроқ.
