Самарқанд тумани адлия бўлими туман тиббиёт бирлашмаси томонидан ўз касбий малакаларини ошириш учун турли муассасаларга юборилган ходимларга вақтида тўлаб берилмаган кафолатли 4,9 миллион сўм тўловлари ундириб берилди. Бу ҳақда «Дарё» мухбири Фарҳод Норбўтаев хабар берди.
Хусусан, туман тиббиёт бирлашмаси бошлиғининг 3 январдаги буйруғи билан туман марказий кўп тармоқли поликлиника врач наркологи У. Искандаров Тошкент врачлар малакасини ошириш институтига «Наркологияда даволаш ва реабилитация масалалари» бўйича малака ошириш учун юборилган. Ходим малака ошириб қайтганига 6 ой тўлган бўлишига қарамасдан, малака ошириш даври учун тўланиши лозим бўлган кафолатли тўлов унга тўланмаган.
Шунингдек, туман тиббиёт бирлашмасининг тери-таносил бўлинмаси врач арматологи Ғ. Раҳимов, туғруқ мажмуаси УТТ врачи Ш. Эргашева, ташкилий-услубий бўлими бошлиғи М. Жумаев, туман кўп тармоқли поликлиника врач неврапотологи Ш. Салимова, поликлиника травматологи Р. Хурсанов ва яна бир қатор ходимларга малака ошириш даври учун тўланиши лозим бўлган кафолатли тўлов тўлаб берилмаган.
Изоҳ (0)