Самарқанд вилоятининг Нуробод туманида 1 октябрь куни Қашқадарё вилояти Ғузор туманида яшаган Х.Б. ўзининг Nexia русумли автомашинасини «Оқсой» маҳалласидан ўтувчи «Самарқанд-Қарши» йўлининг 34 км.да ҳайдаб кетаётиб, шу йўналишда олдинда ҳаракатланиб бурилаётган С.П. бошқарувидаги Volvo русумли юк автомашинаси ён томонига бориб урилган. Бу ҳақда ИИВ Жамоатчилик ва оммавий ахборот воситалари билан алоқалар бошқармаси хабар берди.
Натижада Nexia автомашинаси ҳайдовчиси жароҳат олиб, воқеа жойида ҳалок бўлган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)