Олот туман ИИБга фуқаро Н.А ариза билан мурожаат қилди, деб хабар беради Бухоро вилояти ИИБ матбуот хизмати.
Фуқаро ўз мурожаатида 11 июль соат 11:00 ларда Олот тумани Олот кўчасида жойлашган «Aroma» ширинликлар савдо дўкони олдида турган кўк рангли нархи 500 000 (беш юз минг) сўмлик «Десна» русумли велосипедни номаълум шахслар ўғирлаб, фуқаро Н.А га жами 500 минг сўмлик миқдорда моддий зарар етказганлигини билдирган.
Олиб борилган тезкор суруштирув ишлари натижасида ушбу жиноятни 1982 йилда Олот туманида туғилган муқаддам бир неча маротаба ўғрилик жиноятини содир қилганлиги учун суд томонидан хавфли рецидивист деб топилган фуқаро К.С содир этилганлиги аниқланган.
Мазкур ҳолат юзасидан фуқаро К.С нисбатан Ўзбекистон Республикаси ЖКнинг 169-моддаси (ўғрилик) 3-қисмининг «а» бандига асосан жиноят иши қўзғатилиб тергов ҳаракатлари олиб борилди.
Тергов жараёнида судланувчи К.С 11 июль куни Олот тумани «Турон» кўчасида яшовчи фуқаро Ч.Н нинг уйидан жами баҳоси 1 227 000 сўмлик моддий бойликларни ўғирлаб кетганлигини ўз айбига иқрорлик аризаси орқали баён қилди.Жиноят ишлари буйича Олот туман суди раиси Н.Шаропов томонидан ушбу жиноят ишига оид ҳужжатлар кўриб чиқилиб, судланувчи К.С.га нисбатан 5 (беш) йил озодликдан маҳрум қилиш жазоси тайинланди.
Изоҳ (0)