Бухорода гиёҳвандлик моддалар савдоси билан шуғулланувчи катта жиноий гуруҳ қўлга олинди

Бухоро вилояти Ромитан туман ИИБ ходимлари томонидан тезкор тадбир ўтказилди, деб хабар беради вилоят ИИБ матбуот хизмати.

Ушбу тадбир давомида туман ҳудудида Бухоро шаҳар Қизилқум кўчада яшовчи 1984 йилда туғилган С.О. назорат тариқасида марихуана гиёҳвандлик воситасини сотиб олиш учун юборилган фуқаро К.Ю.га қора рангли полимер пакетга ўраб жойлаштирилган, умумий вазни 13,61 граммга тенг бўлган жуда кўп миқдордаги марихуана гиёҳвандлик воситасини 1 800 000 сўм нақд пул эвазига сотганлиги аниқланганлиги ҳақида маълумот берилган эди.

Суриштирув давомида О.С. жиноий шериклари ҳам борлиги аниқланди. Жумладан, бу борада ўтказилган тезкор тадбирлар жараёнида Жондор туманида яшовчи Р.Саидов, 2018 йил 24 сентябрь куни ўзига олдиндан таниш бўлган Бухоро шаҳрида яшовчи, У.Садиллоевга 2 100 000 сўм эвазига жами 7 дона «Спички» ёзувли гугурт қутиларга алоҳида-алоҳида қадоқлаб солинган ҳолдаги соф вазни 23,42 граммга тенг бўлган кўп миқдордаги таркибида тетрагидроканнабинол бўлган марихуана гиёҳвандлик воситасини қонунга хилоф равишда сотганлиги, ўз навбатида У.Садиллоев эса Бухоро шаҳрида яшовчи Н.Бўриев билан олдиндан жиноий тил бириктириб, шу куни соат 11:30 ларда ушбу гиёҳвандлик моддаларини О.С.га 3 000 000 сўм эвазига қонунга хилоф равишда сотганлиги аниқланган.

Мазкур ҳолатлар юзасидан Ўзбекистон Республикаси ЖКнинг 273-модддаси (Гиёҳвандлик воситалари ёки психотроп моддаларни истеъмол қилишга жалб этиш) 5-қисми билан қўзғатилган жиноят иши бўйича юқорида номлари келтирилган шахслар гумонланувчи тариқасида жалб қилинган.