КХДР ва Жанубий Корея ҳарбийлари 1 октябрь, душанба кунидан икки мамлакатни ажратиб турувчи ва ғарбдан шарққа 4 км кенгликда чўзилган қуролсизлантирилган ҳудудни миналардан тозалашни бошлади, деб ёзади «РИА Новости».
Миналарни ва портламай қолган ўқ-дориларни йўқ қилиш, хусусан, Шимол ва Жанубнинг 1950—1953 йиллардаги Корея уруши даврида ҳалок бўлган ҳарбий хизматчилар жасадларини биргаликда қидириш ҳақидаги келишувларини амалга ошириш доирасида олиб борилмоқда.
Корея Республикаси мудофаа вазирлиги тахмин қилишича, қуролсизлантирилган ҳудудда бир неча ўн минглаб миналар бўлиши мумкин.
Биринчи босқичда 20 кун ичида Пханмунжом чегара пунктидаги «биргаликда қўриқланадиган зона» миналардан тозаланади. Сўнг Канвондо провинциясининг Чхорвон уездида ҳам минасизлантириш ишлари олиб борилиб, ҳалок бўлганлар жасадлари қидирилади.
Изоҳ (0)