Сайидо Насафий номидаги Қашқадарё вилоят ахборот-кутубхона марказида «Болалар китоби» республика фестивали доирасида китоблар кўргазмаси ташкил этилди. Бу ҳақда ЎзА хабар берди.
Ўзбекистон Президентининг 2017 йил 13 сентябрдаги «Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида»ги қарори ижроси доирасида ташкил этилган кўргазмада ижодкор ёшлар, давлат ва нодавлат ташкилотлар вакиллари, «Насаф» ва «Қашқадарё кўзгуси» нашриётлари ҳамда Қарши шаҳридаги китоб савдоси дўконлари болалар адабиётлари билан қатнашди.
Кўргазма доирасида Қарши шаҳридаги болалар ва ўсмирлар мусиқа мактаблари тарбияланувчилари иштирокида бадиий чиқишлар намойиш этилди.
Изоҳ (0)