Qarshida “Bolalar kitobi” ko‘rgazmasi
Sayido Nasafiy nomidagi Qashqadaryo viloyat axborot-kutubxona markazida “Bolalar kitobi” respublika festivali doirasida kitoblar ko‘rgazmasi tashkil etildi. Bu haqda O‘zA xabar berdi.
O‘zbekiston Prezidentining 2017-yil 13-sentabrdagi “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar dasturi to‘g‘risida”gi qarori ijrosi doirasida tashkil etilgan ko‘rgazmada ijodkor yoshlar, davlat va nodavlat tashkilotlar vakillari, “Nasaf” va “Qashqadaryo ko‘zgusi” nashriyotlari hamda Qarshi shahridagi kitob savdosi do‘konlari bolalar adabiyotlari bilan qatnashdi.
Ko‘rgazma doirasida Qarshi shahridagi bolalar va o‘smirlar musiqa maktablari tarbiyalanuvchilari ishtirokida badiiy chiqishlar namoyish etildi.
