Apple компанияси 12 сентябрь куни янги iPhone’лар билан бир қаторда, янги Apple Watch соатини ҳам намойиш этди, деб ёзади «Дождь».
Ромсиз дизайнли янги модель — Apple Watch Series 4 икки хил — 40 ва 44 миллиметрли вариантларда тақдим этилади.
Соат уни тақиб юрган одамнинг йиқилиш ҳолатини қайд этади. Йиқилгандан кейин бир дақиқа ичида қимирламасангиз, Apple Watch автоматик тарзда ёрдам чақириши мумкин.
Series 4 электрокардиограммани амалга ошира оладиган янги сенсор билан жиҳозланган. Бунинг учун корпуснинг ён томонидаги ғилдиракчани босиб туриш керак.
Соат кулранг, тилларанг ва кумушранг тусларда чиқарилади.
Янги таянч модель нархи 399 долларга тенг. У сентябрь охирида сотувга чиқади.
Изоҳ (0)