Бугун, 22 сентябрь санасида Англия премьер-лигасида 6-тур баҳсларига старт берилди.
Тур доирасида Хосеп Гвардиола қўл остидаги «Манчестер Сити» сафарда «Кардифф Сити» майдонига сафар қилиб, 0:5 ҳисобида ғалаба қозонди. Голларга Серхио Агуэро, Илкай Гундўған, Бернарду Силва ҳамда Рияд Марез(2 та) муаллифлик қилди.
Мусобақа пешқадами «Ливерпуль» эса ўз уйида «Саутҳэмптон»ни синовдан ўтказди. Ўйин 3:0 ҳисобида мезбонлар фойдасига ҳал бўлди. Голларга Худт(автогол), Жоэл Матип ҳамда Муҳаммад Салоҳ муаллифлик қилди.
Жозе Моуриньо бошлиқ «Манчестер Юнайтед» эса «Олд Траффорд»да «Вулверҳэмптон»ни қабул қилиб, 1:1 ҳисобидаги дуранг қайд этди. Мезбонлардан Фред ўз номини таблога ёздириб қўйишга эришган бўлса, «бўрилар» сафида Жоау Моутиньо ҳисобни тенглаштирувчи голга муаллифлик қилди.
Чемпионлар Лигасида «Интер»га мағлуб бўлган «Тоттенҳэм» 6-тур доирасида «Брайтон» майдонига сафар қилиб, 1:2 ҳисобида ғалаба қозонди. Гарри Кейн аввалига пенальтидан ҳисобни очган бўлса, кейинроқ захирадан ўйинга қўшилган Эрик Ламела ҳам гол уришга эришди. Ўйин сўнгида Антони Нокаэр ҳисобни қисқартирди. Шу тариқа «шпорлар» уч очкога эга бўлди.
Англия премьер-лигаси
6-тур беллашувлари
22 сентябрь, шанба
Изоҳ (0)