Бугун, 22 сентябрь санасида футбол бўйича Ўзбекистон Pepsi Суперлигасининг 2-босқич 24-тур учрашувлари доирасида учта беллашув бўлиб ўтиш ҳақида аввалроқ хабар берилганди. Учта учрашув ҳам ўз ниҳоясига етди.
Пастки олтиликда Pepsi Суперлигада қолиш учун курашаётган «Нефтчи» ўз уйида Қаршининг «Насаф» жамоасини қабул қилди. Ўйинда ҳисоб 7-дақиқада Авазбек Ўлмасалиев томонидан очилди. 21-дақиқада «Насаф» аъзоси Ислом Рашидхонов ҳисобни тенглаштирди. 42-дақиқада Шерзод Ҳакимов гол уриб, мезбонларни ҳисобда олдинга олиб чиқди. 61-дақиқада эса Достон Тошматовнинг жамоаси учун учинчи голни уриб, «Нефтчи»нинг ғалабасини таъминлади.
Чемпионлик учун курашаётган «Пахтакор» эса ўз майдонида «Бухоро» билан беллашди. Ўйинда ҳисобни 58-дақиқада пенальтидан Исмоил Гонсалвеш очди. Орадан 2 дақиқа ўтиб, Гонсалвешнинг узатмасини Фаррух Сайфиев голга айлантириб, ҳисобнинг 2:0 кўриниш олишини таъминлади. 80-дақиқада Шаҳбоз Эркинов ҳисобни қисқартирди. 2:1 ҳисоби ўйин якунига қадар ўзгармай қолди.
Куннинг сўнгги ўйинида «Қизилқум» «Қўқон-1912» билан кураш олиб борди. Унда мезбонлар 1:0 ҳисобида ғалаба қозонди. Ягона гол 85-дақиқада Алишер Санаев ҳисобига ёзилди.
Турнинг марказий ўйини эртага «Локомотив» ҳамда «Бунёдкор» жамоалари ўртасида кечади.
Pepsi Суперлига
24-тур беллашувлари
22 сентябрь, шанба
«Нефтчи» – «Насаф» 3:1
Голлар: 1:0—7 Авазбек Ўлмасалиев, 1:1—21 Ислом Рашидхонов, 2:1—42 Шерзод Ҳакимов, 3:1—61 Достон Тошматов.Нефтчи: 12.Музаффар Абдуллаев, 3.Шукурали Пўлатов (с), 14.Аброрбек Исмоилов, 18.Андрей Сидоров (23.Абдурахмон Абдулхақов, 46), 19.Авазбек Ўлмасалиев (45.Авазхон Маматхўжаев, 87), 20.Ҳусниддин Ғофуров, 40.Бобурбек Юлдашев, 44.Достонбек Тошматов, 65.Шодиёр Ҳожиматов, 91.Шерзод Ҳакимов (7.Муродбек Бобожонов, 72), 95.Достонбек Турсунов.
Насаф: 35.Санжар Қувватов, 4.Мақсуд Каримов (18.Бобир Давлатов, 74), 7.Одилжон Ҳамробеков, 9.Амиржон Сафаров, 10.Бобир Абдухолиқов, 14.Шароф Муҳитдинов, 17.Дониёржон Нарзуллаев (15.Дилшод Саитов, 74), 27.Ислом Рашидхонов, 31.Сайдулло Раҳматов (Хуршидбек Мухторов, 81), 38.Акмал Мозговой, 92.Умарбек Эшмуродов.
Огоҳлантиришлар: Акмал Мозговой 54.
«Пахтакор» – «Бухоро» 2:1
Голлар: 1:0—58, пенальти Исмоил Гонсалвеш, 2:0—60 Фаррух Сайфиев, 2:1—80 Шаҳбоз Эркинов.«Пахтакор»: Элдорбек Суюнов, Фаррух Сайфиев, Егор Кримес, Шерзод Аъзамов (с), Акмал Шораҳмедов, Азим Аҳмедов, Дилшод Раҳматуллаев, Жалолиддин Машарипов (Игорь Сергеев, 90), Исмоил Гонсалвеш (Жасур Яхшибоев, 82), Драган Черан (Жамшид Искандеров, 76), Тиаго Безерра
«Бухоро»: Асилбек Омонов, Бобуржон Омонов (Қаҳрамон Баҳодиров, 56), Саламат Қуттибоев, Шавкат Саломов (Арслонмурод Омонов, 62), Санъат Шихов, Беҳруз Шодмонов, Акобир Тўраев (Шаҳбоз Эркинов, 46), Шавкат Муллажонов, Эргаш Исмоилов, Миржалол Жумаев, Жавоҳир Қаҳрамонов
Огоҳлантиришлар: Акобир Тўраев 22, Шавкат Саломов 33, Қаҳрамон Баҳодиров 63, Шаҳбоз Эркинов 79.
Изоҳ (0)