Аввалроқ жорий йилнинг 22—23 сентябрь кунлари Тошкентдаги Universal спорт мажмуасида таэквондо WTF бўйича Жанубий Кореянинг Ўзбекистондаги элчиси кубоги учун мусобақа бўлиб ўтиши ҳақида хабар берилганди.
Мусобақанинг тантанали очилиш маросими бугун, 22 сентябрь куни Таэквондо WTF ассоциациясига қарашли Universal спорт мажмуасида бўлиб ўтди. Унда Жанубий Кореянинг Ўзбекистондаги Фавқулодда ва мухтор элчиси Квон Ён У ҳам иштирок этди. Очилиш маросимида Жанубий Кореянинг жаҳонга машҳур «Куккивон» таэквондо маркази вакиллари томонидан тайёрланган шоу, кўргазмали чиқишлар ҳам намойиш этилди.
Баҳсларда Ўзбекистоннинг турли ҳудудларидан 350 нафардан ортиқ сараланган спортчилар иштирок этмоқда. Мусобақалар эртага якунига етади.
Изоҳ (0)