УЕФА Европа Чемпионлар Лигасида ҳафтанинг энг яхши ўйинчиси бўлишга даъвогарлар номини эълон қилди. Бу ҳақда ташкилот расмий сайтида хабар берилди.
Унга кўра, Чемпионлар Лигасида ҳафтанинг энг яхши ўйинчиси номига «Барселона» ҳужумчиси Лионель Месси, «Ливерпуль» ярим ҳимоячиси Жеймс Милнер, «Лион» ҳужумкор ярим ҳимоячиси Набиль Фекир ҳамда «Манчестер Юнайтед» ярим ҳимоячиси Поль Погба даъвогарлик қилмоқда.
Маълумот учун, Лионель Месси «Барселона» — ПСВ учрашувида (4:0) хет-трик қайд этишга эришди. Жеймс Милнер эса «Ливерпуль» — ПСЖ баҳсида (3:2) пенальтидан гол урди. Набиль Фекир «Манчестер Сити» — «Лион» ўйинида (1:2) битта гол ва голли узатмага муаллифлик қилди. Франциялик Поль Погба «Янг Бойз» — «Манчестер Юнайтед» (0:3) қарама-қаршилигида 2 та гол уриб, дубль қайд этди.
Изоҳ (0)