Ташқи ишлар вазири Абдулазиз Комилов АҚШнинг халқаро диний эркинликлар соҳасидаги махсус топшириқлар бўйича элчиси Самуэл Браунбекни қабул қилди. Бу ҳақда ТИВ матбуот хизмати маълум қилди.
Суҳбат чоғида жорий йил 27 июль куни Вашингтонда бўлиб ўтган музокаралар давоми сифатида диний эркинликлар таъминланиши соҳасидаги ҳамкорликни ривожлантириш истиқболлари муҳокама қилинди.
Элчи Тошкент шаҳрида бўлиб ўтган «Диний бағрикенглик: Ўзбекистон ва АҚШ тажрибаси» мавзусидаги давра суҳбатида иштироки тўғрисида сўзлаб берди.
Диний эркинликлар амалиётини яхшилаш соҳасида ҳамкорлик масаласи, жумладан, ноҳукумат ташкилотлари ва таҳлилий доиралар ўртасидаги алоқалар бўйича Ўзбекистон—АҚШ мулоқотини давом эттиришдан томонлар манфаатдор эканлиги тасдиқланди.
Учрашувда АҚШ элчиси Памела Спратлен иштирок этди.
Изоҳ (0)