23 ёшгача бўлган футболчилар ўртасида 2020 йил январь ойида бўлиб ўтадиган Осиё чемпионатига Таиланд мезбонлик қилади.
Таиландда бўлиб ўтадиган мусобақанинг саралаш босқичи 2019 йилда ўтказилади. ОФК қарорига кўра, қуръа ташлашдан сўнг Ўзбекистон терма жамоаси билан бир гуруҳдан жой оладиган жамоалар саралаш баҳсларини 18—26 март кунлари Ўзбекистонда ўтказади.
2020 йилнинг 8—26 январь кунлари Таиландда бўлиб ўтадиган Осиё чемпионати U23 да олтин, кумуш ва бронза медалларини қўлга киритган жамоалар Токио—2020 ёзги олимпиада ўйинларига тўғридан-тўғри йўлланма олади.
Маълумот учун, 2018 йилда бўлиб ўтган сўнгги Осиё чемпионатида Ўзбекистон U23 терма жамоаси чемпионликка эришганди.
Изоҳ (0)