Ўзбекистонлик боксчи Ҳусниддин Пўлатов WBA Аsiа камари соҳиби бўлди

Жанубий Кореянинг Сувон шаҳрида навбатдаги профессионал бокс кечаси бўлиб ўтди, деб хабар беради МОҚ матбуот хизмати.

Унда ўзбекистонлик чарм қўлқоп устаси Ҳусниддин Пўлатов ярим ўрта вазн тоифасида рингга чиқди. Мазкур жангда унга индонезиялик Сохлан Корал рақиблик қилди. 12 раундга мўлжалланган баҳсда Ҳусниддин 6-раундда рақибини нокаутга учратди ва WBA Аsiа камарини қўлга киритди.

Пўлатов профессионал рингда жами 14-жанг ўтказди. У жангларнинг 11(сўнггиси билан қўшганда) тасида ғалаба қозонган (5 та нокаут). 3 маротаба эса мағлубиятга учраган (3 та нокаут). Индонезиялик боксчи эса 24 та жангнинг 17 тасида ғалаба, 7 тасида эса мағлубият қайд этганди.