Жорий йилнинг 6—18 октябрь кунлари Аргентинанинг Буэнос-Айрес шаҳрида III ёзги ўсмирлар Олимпия ўйинлари ўтказилади. Ушбу нуфузли мусобақада Ўзбекистон спорт делегацияси қатнашади.
Бу сафарги Олимпия ўйинларида ўзбекистонлик спортчилар лицензия қўлга киритиш борасида рекордни янгилашга эришган. 2010 йили Сингапурда ўтказилган илк ўсмирлар Олимпия ўйинларида 21 нафар ўзбекистонлик спортчи иштирок этган бўлса, Ўзбекистон делегацияси 2014 йили Нанкин Олимпиадасида 28 нафар атлет қатнашган. Бу сафар Буэнос-Айрес мезбонлик қиладиган ўйинларда эса мамлакат шарафини 36 нафар спортчи ҳимоя қилиши ҳақида хабар берилганди.
Халқаро ҳаваскор боксчилар ассоциацияси (AIBA)дан Ўзбекистон Миллий олимпия қўмитасига хабар беришларича, бокс бўйича қизлар ўртасида -51 кг вазн тоифасида ўзбекистонлик Хурсаной Холматова ҳам ўсмирлар ўртасидаги Олимпиадада қатнашиш ҳуқуқини қўлга киритган. Шу тариқа ўзбек спортчиларининг Буэнос-Айресга борадиган спортчилари сони 1 нафарга кўпайди.
Изоҳ (0)