Наманган вилоятининг Чортоқ туманидаги «Баркамол авлод» болалар марказида «Очиқ эшиклар» куни ўтказилди. Бу ҳақда «Дарё» мухбири хабар бермоқда.
Марказ директори Баҳромжон Абдураҳимовнинг айтишича, ҳозирда муассасада тасвирий санъат, фолклор, техник моделлаштириш, карвинг, рақс каби 28 турдаги тўгарак фаолият кўрсатмоқда. 2018/2019-ўқув йили давомида эса уларнинг сонини 35-40 тага етказиш кўзда тутилган.
Ўтган ўқув йилида марказга 2000 дан ортиқ ёшлар жалб қилинган бўлса, жорий мавсумда бу кўрсаткич 2 баробар оширилиши режалаштирилган.
— Бу ерда 2 йилдан буён экология тўгарагида шуғулланиб келаман. Яқинда ўтказилган «Яшил сайёрамиз тақдири ўз қўлимизда» республика танловида совриндор бўлиб қайтдим. Бу катта ютуқларимга дебоча бўлади деб ўйлайман, — дейди шуғулланувчилардан бири Асадбек Муродов.
Изоҳ (0)