5—6 сентябрь кунлари Андижон вилояти ҳокими Шуҳратбек Абдураҳмонов бошчилигидаги вилоят делегацияси Германия давлатида бўлди. Бу ҳақда вилоят ҳокимлиги матбуот хизмати хабар бермоқда.
Расмий ташриф давомида делегация аъзолари Висбаден шаҳридаги силикат ғишт ишлаб чиқарувчи Lasco корхонасида жараён билан танишди. Қуёш энергияси соҳасида ускуналар ишлаб чиқарувчи Visprion EPC GmbH&Co. KG компанияси мутасаддилари билан мулоқотлар ўтказилди.
Шунингдек, Саксония федерал ери Бош вазири жаноб Михаэль Кречмер билан учрашув, Германияда таълим олаётган ўзбекистонлик талабалар билан ҳам суҳбат ўтказилди. Мазкур жараёнлар давомида экспорт, инвестиция, туризм, медицина йўналишларида ҳамкорлик масалалари муҳокама қилинди.
Вилоят делегацияси вакиллари Дрезден ва Майсен шаҳарларининг қатор ишлаб чиқариш корхоналарида бўлди ҳамда соҳа вакиллари билан ҳар томонлама манфаатли келишувлар имзолади.
Изоҳ (0)