Россиянинг «Ил» ОАЖ компанияси бош директори маслаҳатчиси Вадим Кучеров Москвада 77 ёшида касаллик оқибатида вафот этди, деб ёзади «ТАСС». У Россия авиасозлиги ривожланишига улкан ҳисса қўшган шахс сифатида қайд этилади.
Кучеров 1941 йил Россиянинг Свердлов вилоятида туғилган. Куйбишев авиация институтида ўқиган, сўнг В.П. Чкалов номидаги Тошкент авиация-ишлаб чиқариш бирлашмасининг учиш-синов станциясида ишлаган. 1989 йилда ишлаб чиқариш бўйича бош директор ўринбосари, 1993 йилда — корхона бош муҳандиси этиб тайинланган. 1996 йилда эса В.П. Чкалов номидаги Тошкент авиация-ишлаб чиқариш бирлашмасининг бош директорига айланган.
2007 йилдан Вадим Кучеров «Ил» ОАЖда бош директор ўринбосари — ишлаб чиқариш директори вазифасида ишлаган. 2013 йилда С.В. Илюшкин номидаги авиация мажмуасида бош директор ўринбосарининг персонал ва маъмурий бошқарув бўйича маслаҳатчиси этиб тайинланган.
Ўзбекистон ҳукумати томонидан «Меҳнат шуҳрати» ордени, «Меҳнат фахрийси» ва «Ўзбекистон Республикасида хизмат кўрсатган саноат ишчиси» фахрли унвонлари билан мукофотланган.
Изоҳ (0)