Самарқанд шаҳрида Ўзбекистон Президенти соврини учун «Ташаббус—2018» кўрик-танловининг шаҳар босқичи ўтказилди. «Дарё» мухбири Фарҳод Норбўтаевнинг хабар беришича, унда 70 га яқин тадбиркор ва ҳунарманд ўз маҳсулот ва хизматлари билан иштирок этган.
Танлов иштирокчиларининг фаолияти уларнинг ишлаб чиқариш ва хизмат кўрсатиш салоҳияти, иқтисодий ҳолати каби мезонлар бўйича ҳайъат аъзолари томонидан баҳоланиб, муносиб номзодлар ғолиб, деб эълон қилинди. Шунингдек, қатор номинациялар бўйича ҳам ғолиблар аниқланди.
Жумладан, «Саноат соҳасида йилнинг энг яхши тадбиркори» йўналиши бўйича Сам Ferre компанияси раҳбари Акмал Аҳмедов, «Хизмат кўрсатиш соҳасида йилнинг энг яхши тадбиркори» йўналиши бўйича ДилиМаҳ Premium Luxury компанияси раиси Мусинбек Маҳмудов, «Йилнинг энг яхши ёш тадбиркори» йўналиши бўйича «Регистон Камолжон» хусусий корхонаси раҳбари Камол Аликов, «Йилнинг энг яхши ҳунарманди» йўналиши бўйича ёғоч ўймакори Мансур Асадов ғолиб деб топилган.
Изоҳ (0)