Самарқанд шаҳрига 2018 йилнинг январь—август ойларида 185 минг нафар чет эллик сайёҳ ташриф буюрди. Бу ҳақда, Самарқанд вилоят ИИБга асосланиб, «Дарё» мухбири Фарҳод Норбўтаев хабар бермоқда.
Маълум қилишларича, 2018 йилнинг дастлабки саккиз ойи давомида Самарқанд шаҳрига хориждан 185 минг нафар, Ўзбекистоннинг бошқа вилоятларидан эса 1,2 миллион нафар меҳмон ташриф буюрган.
Таққослаш учун, 2017 йилнинг январь— август ойларида Самарқандга 45 минг чет эллик, 350 минг ўзбекистонлик сайёҳ ташриф буюрган эди.
Ҳозирги вақтда Самарқанд вилоят ИИБ Хавфсиз туризмни таъминлаш бошқармаси бир неча тилларда суҳбатлаша оладиган, зарур вақтда туристларга ёрдам кўрсатишга тайёр 45 нафар ходим фаолият олиб бормоқда.
«Шунингдек, ходимларнинг ўз устида ишлаши ва малакасини ошириши учун Самарқанддаги олий ўқув юртлари билан ҳам шартномалар тузилган», — дейилади вилоят ИИБ матбуот хизмати ахбороида.
Изоҳ (0)