Ҳиндистондаги Ўзбекистон маданияти кунларининг учинчи куни Нойда шаҳридаги Марва Студиос марказида тадбирлар бўлиб ўтди. Бу ҳақда Ўзбекистоннинг Ҳиндистондаги элчихонаси хабар берди.
Тадбирнинг 200 дан ортиқ меҳмонлари Ўзбекистон ҳақидаги ҳужжатли фильмлар, мамлакатнинг сайёҳлик ва инвестицион салоҳияти билан танишди, шунингдек, «Сирдарё наволари» гуруҳи иштирокидаги концертдан баҳраманд бўлди.
Марва Студиос асосчиси, Матбуот ва кўнгилочар саноат палатаси раиси Сандип Марванинг сўзларига кўра, Ҳиндистон-Ўзбекистон кино ва маданият форуми яқин ойларда Ўзбекистон ва Ҳиндистоннинг бадиий фильм соҳасидаги қўшма лойиҳаси ҳақида эълон қилади.
«Биз Ўзбекистон кинокомпаниялари ва продюсерлик марказлари билан музокаралар олиб боряпмиз, ва Ўзбекистонда энг яқин орада суратга олиш ишлари бошланишини кутяпмиз, бу эса ушбу йўналишдаги ўзаро алоқаларнинг жуда тез ривожланаётганидан ҳамда ҳам Ўзбекистон, ҳам Ҳиндистон томонидан ташаббус ва қизиқишнинг қўллаб-қувватланаётганидан дарак беради», — деди у.
Изоҳ (0)