Америкалик аёл унинг уч ёшли қизи полициячилар марихуана солинган пакетни кўрсатгач, қўлга олинган. Бу ҳақда Нью-Йорк штати полицияси хабар берган.
Икки нафар патруль ходими Олбани шаҳридан чиқишда машинани тўхтатган ва унда болалар ўриндиғисиз ўтирган болани кўрган, шунингдек, кулдонда чекилган марихуана қолдиқларини аниқлаган. Машинани 26 ёшли Скотт Ҳилл бошқараётган эди, у билан бирга йўловчи сифатида қизчанинг онаси, 33 ёшли Меган Карл бўлган.
Полициячилардан бири ҳайдовчи билан гаплашиб турганда, қизалоқ ўриндиқ остидан қопчани олган, уни очган ва иккинчи полициячига унинг ичидагини кўрсатган. Қопча ичида марихуана, чекиш трубкаси ва махсус майдалагич бўлган. Уларнинг барчаси далилий ашё сифатида олиб қўйилган.
Ҳайдовчи ва аёл қўлга олинган. Улар боланинг ҳаётини хавф остига қўйганликда айбланмоқда. Ҳайдовчи — ноқонуний равишда мархуана сақлаганликда. Қизча қариндошларига топширилган, болаларни ҳимоя қилиш хизмати унинг онаси ҳибсга олингани ҳақида огоҳлантирилган. Кейинчалик эркак ва аёл қўйиб юборилган, бироқ судга келишга мажбур қилинган.
Нью-Йорк штатида марихуана сақлаш ҳали ҳам ноқонуний ҳисобланади. Уни тиббий рецептга асосан махсус дорихоналардан бирида сотиб олиш мумкин. Штат марихуанани қонунийлаштиришни режалаштираётгани ҳақида жорий йилнинг июль ойида хабар берилган.
Изоҳ (0)