2018 йил 5 сентябрь куни соат 10:00 ларда Фарғона вилояти, Данғара тумани, Доимобод қишлоғида яшовчи, 1992 йилда туғилган И. рафиқаси, 1993 йилда туғилган С. билан никоҳни бекор қилиш учун туман ФҲДЁ бўлими биносига келади. Бу ҳақда Бош прокуратура матбуот хизмати маълум қилди.
Бу ерда у ўзаро келишмовчилик оқибатида ёнида бўлган пичоқ билан турмуш ўртоғига тан жароҳатлари етказиб, қасддан ўлдирган.
Мазкур ҳолат юзасидан туман прокуратураси томонидан И. га нисбатан Жиноят кодексининг 97-моддаси 1-қисми билан жиноят иши қўзғатилиб, тергов ҳаракатлари ўтказилмоқда.
Изоҳ (0)