БМТнинг Ўзбекистондаги ваколатхонаси Қорақалпоғистон хотин-қизлари учун танлов эълон қилди

Ўзбекистондаги БМТнинг Тараққиёт дастури Қорақалпоғистон республикаси Тахтакўпир, Мўйноқ ва Шуманай туманларида тараққиётнинг маҳаллий дастурларини қўллаб-қувватлаш мақсадида инновацион ғоялар танловини эълон қилади. Бу ҳақда БМТнинг Ўзбекистондаги ваколатхонаси матбуот хизмати «Дарё»га хабар бермоқда.

Танлов мамлакатда амалга оширилаётган кенг кўламдаги ислоҳотлар доирасида хотин-қизларнинг жамиятдаги фаоллиги ва мақомини ошириш, уларнинг ҳуқуқлари ва манфаатларига амал қилишни ҳамда уларга сифатли хизматларни тақдим этишни таъминлаш мақсадида ўтказилади.

Иштирок этиш шартлари:

Танловда иштирок этиш учун аризани 18 ва ундан катта ёшдаги ўз ғояларини амалга оширишни истовчи қизлар ва аёллар топширишлари мумкин. Кўриб чиқиш учун турли йўналиш бўйича лойиҳалар қабул қилинади: давлат хизматларидан фойдаланиш ҳуқуқи, хотин-қизларнинг ҳуқуқлари ва имкониятлари АКТ, STEM (Science, течнологй, энгинееринг, матҳематиcс)да хотин-қизлар, туризм, атроф-муҳит, ҳунармандчилик, ишлаб чиқариш ва бошқалар.

Муҳим!

Ғоя ва лойиҳалар Оролбўйи минтақасида аҳолининг фаровонлигини ошириш, хотин-қизлар ҳуқуқлари ва имкониятларини кенгайтиришга кўмаклашиши зарур.

Танлов БМТ нинг «Оролбўйи минтақаси учун инсон хавфсизлиги бўйича кўпшериклик фондини ташкил қилиш орқали Орол фожиасидан зарар кўрган аҳолининг турмуш шароити салоҳиятини мустаҳкамлаш» Қўшма дастури кўмагида Ўзбекистон хотин-қизлар қўмитаси ва БМТ ТДнинг «Аёлларнинг давлат бошқарувида иштирок этишлари ва уларнинг ижтимоий-иқтисодий ҳаётдаги фаолликларини ошириш учун ҳуқуқ ва имкониятларини кенгайтириш» номли ҳамкорликдаги лойиҳаси доирасида ўтказилади.

Танловда иштирок этиш учун аризалар 2018 йилнинг 15 сентябрь кунига қадар қуйидаги манзил бўйича қабул қилинади:

БМТ Қўшма дастурининг Қорақалпоғистондаги офиси:

Қорақалпоғистон республикаси Нукус шаҳри, 230105, Ерназар Алакоз кўчаси, 56-уй.

Шунингдек, Қорақалпоғистон Республикаси Тахтакўпир, Мўйноқ ва Шуманай туманлари ҳокимиятларида, Ҳоким ўринбосарлари – Хотин-қизлар қўмиталарининг тумандаги раислари томонидан ҳам қабул қилинади.