Бугун, 6 сентябрь куни Тошкентда футбол бўйича Ўзбекистон миллий терма жамоаси Эктор Купер бошчилигидаги илк учрашувини ўтказди.
Купернинг дастлабки ўйинида Ўзбекистон Сурия терма жамоасига қарши баҳс олиб борди. Учрашувда ҳисоб 64-дақиқада очилди. Марат Бикмаев меҳмонлар дарвозасига белгиланган пенальтини аниқ амалга оширди. Орадан 14 дақиқада ўтиб, Сурия термаси етакчиси Омар ал-Сома бош билан терма жамоада 100-ўйинини ўтказаётган Игнатий Нестеров дарвозасини ишғол қилди.
Шу тариқа учрашув томонларнинг 1:1 ҳисобидаги дуранги билан якунланди.
Учрашувни туркманистонлик ҳакамлар бошқариб борди. Бош ҳакам Чоримурод Қурбонов унга қанотларда Полвон Полвонов ва Аҳмет Бекназаровлар ёрдам берди.
Ўртоқлик беллашуви
6 сентябрь, пайшанба
Ўзбекистон—Сурия 1:1
Гол: 1:0—64, пенальти Марат Бикмаев, 1:1—78 Омар ал-Сома.Ўзбекистон: 1.Игнатий Нестеров, 2.Акмал Шораҳмедов, 31.Егор Кримес, 5.Анзур Исмоилов, 13.Олег Зотеев, 8.Жавлон Иброҳимов (18.Сардор Собирхўжаев, 46), 16.Отабек Шукуров, 27.Сардор Рашидов (14.Элдор Шомуродов, 76), 10.Марат Бикмаев (11.Темурхўжа Абдухолиқов, 68), 6.Ҳусниддин Ғофуров (26.Санъат Шихов, 68), 28.Иван Нагаев (15.Сардор Мирзаев, 55)
Сурия: 1.Иброҳим Алма, 3.Нодим Сабоғ, 15.Абдул Малик Аланизан, 4.Жиҳод Ал Баоур, 5.Омро Ал Мидани, 8.Маҳмуд ал-Мавас, 9.Омар ал-Сома, 11.Осама Омари (7.Аиас Осман, 83), 14.Тамир Хож Муҳаммад, 10.Муҳаммад Усмон, 21.Фаҳад Юсуф
Огоҳлантиришлар: Тамир Хож Муҳаммад 30.
Изоҳ (0)