Ўзбекистон давлат жаҳон тиллари университетида АҚШнинг Вебстер университети билан ҳамкорликда ташкил этилган TESL — «Инглиз тилини иккинчи тил сифатида ўқитиш» академик дастури бўйича йўлга қўйилаётган бир йиллик магистратура дастурининг очилиши бўлиб ўтди. Бу ҳақда ЎзА хабар бермоқда.
Тадбирда Олий ва ўрта махсус таълим вазирлиги раҳбарияти, Вебстер университети халқаро лойиҳалар бўйича вице-президенти Питер Махер бошчилигидаги делегация вакиллари, олий таълим муассасалари ректорлари, профессор-ўқитувчилар, талаба-ёшлар иштирок этди.
Бир йиллик магистратурада ўқитиш тўлиқ Вебстер университети ўқув дастурлари асосида амалга оширилиб, машғулотлар мазкур университетнинг малакали мутахассислари билан бир қаторда ЎзДЖТУнинг махсус танловдан ўтган профессор-ўқитувчилари томонидан олиб борилади.
Дастур доирасида ўқишларини муваффақиятли якунлаган битирувчиларга Вебстер университетининг магистрлик дипломи берилади.
Изоҳ (0)