Жиззах вилоятининг Арнасой тумани, «Олтин водий» МФЙда яшовчи Ҳ.Ж. исмли аёл ИИБга фирибгарлик ҳолати юзасидан мурожаат қилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Маълум бўлишича, шу йил февраль ва март ойларида аёлнинг қўшниси, фермер хўжалиги раиси Ш.Х. ва фуқаро Н.И. Ҳ.Ж.нинг турмуш ўртоғига фермер хўжалигидан 3 гектар ер майдони ажратиб беришларини айтади.
Ундан алдов йўли билан 6 миллион 900 минг сўм олишади, бироқ берган ваъдаларини бажармай, пулларни ўз эҳтиёжлари учун ишлатиб юборишади.
Кўрилган чоралар натижасида Ш.Х. ва Н.И. ушланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)