Ўзбекистон истеъмолчилар ҳуқуқларини ҳимоя қилиш жамиятлари федерацияси Бухоро вилоят ҳудудий бирлашмаси «Ишонч телефони»га Шофиркон тумани, «Жойробод» маҳалласида яшовчи Насиба Тиллаева қўнғироқ қилди. Бу ҳақда ЎзА хабар бермоқда.
Унинг Бухоро шаҳридаги «Умид Савдо Файз Инвест» МЧЖга қарашли «Умид лизинг» корхонасидан норозилик билдирилган мурожаати қонун талаблари доирасида ўрганилди.
Маълум бўлишича, истеъмолчи билан 2018 йил 3 февраль куни Cobalt автомобили етказиб бериш бўйича шартнома тузилган бўлиб, 38734000 сўм тўлов амалга оширилган. Шартномада кўрсатилган муддатдан 120 кун ўтиб кетган бўлса-да, фуқаро машинасини ололмаган.
Аризани ўрганиш жараёнида истеъмолчининг «Умид лизинг» корхонасидан 38734000 сўм пули олиб берилди ҳамда муаммоси ижобий ҳал этилди. Корхона раҳбарияти ва ходимлари юқорида кўрсатилган камчиликларни бартараф этиш, бундан кейин бундай ҳолатларни йўл қўймаслик тўғрисида огоҳлантирилди.
Изоҳ (0)