Mustaqillik bayramini tinch va osoyishta, bayramona kayfiyatda oʻtishini taʼminlash maqsadida Oʻzbekiston Ichki ishlar vazirligi tomonidan bayramga tayyorgarlik tadbirlari tashkil etilmoqda. Bu haqda vazirlikning Jamoatchilik va ommaviy axborot vositalari bilan aloqalar boshqarmasi xabar bermoqda.
25-avgust kuni Toshkentdagi Milliy stadion hovlisida IIV tomonidan tizimning turli sohaviy boʻlimlarida xizmat qilayotgan xodimlar ishtirokida saf koʻrigi oʻtkazilgan. Unda shaxsiy tarkibning safda yurishi, tashqi koʻrinishi, umumiy qilib aytganda — jangovar shayligi yana bir bor tekshirilgan.
“Odatda bu kabi saf koʻriklari ichki ishlar organlarida muntazam ravishda oʻtkazib turiladi. Bundan tashqari, mazkur tadbirda jamoat tartibini saqlash, yoʻl-harakati, yongʻin xavfsizligini taʼminlash yuzasidan xodimlarga muhim topshiriq va vazifalar berildi”, — deyiladi IIV axborotida.
Izoh (0)