GM Uzbekistan автомобиллари сотуви тикланиши ва айрим моделларнинг нархи оширилиши ҳақида расман эълон қилди.
«Ҳукумат ёрдамида, вазирлик ва ташкилот вакиллари, экспертлар, жумладан, хорижлик мутахассислар иштирокида, аҳоли фикри ва эътирозларидан келиб чиқиб нарх шаклланиши ҳамда ишлаб чиқарилаётган автомобиллар қиймати асослангани ўрганиб чиқилди. Ўтказилган таҳлиллар натижасида автомобилларнинг айрим моделлари нархини ўртача 7,7 фоизга ошириш зарурлиги тўғрисидаги оғир ва жамоатчилик ўртасида хушланмайдиган қарор қабул қилинди», — дейилади компания хабарида.
Шу билан бирга, аҳоли ўртасида оммалашган ва харид учун қулай бўлган Spark, Nexia ва Cobalt моделлари нархлари ўзгаришсиз қолганини билдирилмоқда.
Компания мавжуд нархлар ва аксиз солиғи ставкалари сақланиб қолганида 2018 йилни катта зарар билан якунлаган бўлишини таъкидлади.
GM Uzbekistan 1 августга қадар тузилган ва жисмоний шахслар томонидан камида 85, юридик шахслар томонидан эса 100 фоиз олдиндан тўлов қилинган шартномалар бўйича автомобилларнинг етказиб берилиши ҳужжатларда кўрсатилган нарх ва муддатларда амалга оширилишини маълум қилди.
Янги нархлар билан қуйида танишишингиз мумкин.
Изоҳ (0)