Индонезиянинг Жакарта ҳамда Палембанг шаҳарларида XVIII Осиё ўйинлари давом этмоқда. Бугун, 21 август санасида таэквондочилар ҳам жангларда иштирок этяпти, деб хабар беради «Дарё» мухбири.
Жумладан, +80 кг вазн тоифасида Ўзбекистон шарафини ҳимоя қилаётган Дмитрий Шокин ярим финалга чиқди. Шокин чорак финалда ҳиндистонлик Акшай Кумарни 15:1 ҳисобида мағлуб этди. Дмитрий Шокин ярим финалда Иордания вакили Каттан Ҳамзага қарши даянга чиқиб, 5:4 ҳисобида ғалаба қозонди ва финалга чиқди.
Аёллар ўртасида Ўзбекистон номидан +67 кг вазнда жанг қилаётган Светлана Осипова камбожалик рақибасини енгиб, ярим финал йўлланмасига эга чиқди. Светлана энди финал йўлланмаси учун қозоғистонлик Денис Канселга қарши кураш олиб борди ва 19:3 ҳисобида мағлуб бўлди. Шу тариқа у Осиё ўйинларининг бронза медалини қўлга киритди.
Изоҳ (0)