Ўзбекистон ҳукумати, Тошкент вилояти ҳокимлиги, жамоатчилик ҳамда оммавий ахборот воситалари вакиллари Бекобод шаҳрига сафар қилиб, шу йилнинг 20 август куни Бекобод тумани ҳудудида Damas автомашинаси ва ҳукумат вакиллари бўлган автомашина иштирокида содир бўлган автотранспорт ҳодисасида жароҳатланган ҳайдовчи Б. Саидов ва йўловчи А. Мелибоев ҳолидан хабар олди, дея хабар бермоқда «Kun.uz».
Таъкидланишича, ижтимоий тармоқларнинг ўзбек сегментида мазкур йўл-транспорт ҳодисаси кенг муҳокама қилиниб, Damas автомобили ҳайдовчиси ва унинг ҳамроҳи ҳақида турли нохолис маълумотлар тарқатилмоқда.
ОАВ ва жамоатчилик вакиллари фуқаролар Б. Саидов ҳамда А. Мелибоев енгил тан жароҳати билан Бекобод шаҳар тиббиёт бирлашмасида даволанаётганларига гувоҳ бўлди. Бирлашма бош шифокорининг маълум қилишича, беморларнинг аҳволи қониқарли ва улар жиддий жароҳат олмаган, шу боис 3 кун ичида оилалари бағрига қайтади.
Б.Саидовнинг айтишича, даволаниш жараёнида ҳеч қандай камчилик ёки муаммо мавжуд эмас. Б. Саидов ва А. Мелибоевлар ўзларини яхши ҳис қилаётганларини таъкидлади.
Изоҳ (0)