Россия президенти Владимир Путиннинг Германия канцлери Ангела Меркель билан музокаралари якунланди, деб ёзади «РИА Новости». Мезеберг қасридаги учрашув уч соат давом этди.
Германия ва Россия етакчиларининг музокаралари Тошкент вақти билан 18 август куни 22:00 да бошланиб, 19 август 01:00 да тугаган. Томонлар ҳамкорликни, Сурия, Эрон ва Украинадаги вазиятни муҳокама қилган.
Владимир Путин Берлинга Австриядан етиб келди, у ерда Россия президенти Австрия ташқи ишлар вазири Карин Кнайслнинг тўйида меҳмон бўлди. Сафар шахсий хусусиятга эга бўлди, аммо Кнайсл Путинга ишчи учрашувини ўтказишни таклиф қилди.
Музокаралар олдидан Меркель ва Путин «Шимолий оқим-2» газ қувури қурилиши ва ушбу лойиҳа амалга ошганидан кейин Украинанинг тақдири ҳақида матбуот учун баёнот берди.
Изоҳ (0)