Покистоннинг «Адолат учун ҳаракат» партияси раҳбари Имрон Хон мамлакатнинг 22-бош вазири сифатида қасамёд келтирди. «Коммерсантъ»нинг хабар беришича, Покистон президенти Мамнун Ҳусайн пойтахт Исломободдаги қароргоҳида Хоннинг қасамёдини қабул қилган.
Имрон Хон ўз тарихида биринчи ва ҳозирча охирги марта 1992 йили жаҳон чемпиони бўлган крикет бўйича Покистон терма жамоасининг сардори сифатида шуҳрат қозонган.
25 июль куни унинг партияси Миллий ассамблеядаги 272 ўриндан 115 тасини эгаллади, 17 август куни эса Хон 272 депутатдан 176 нафарининг овозини олиб, бош вазир бўлди.
Бош вазирликка Имрон Хон номзодини унинг «Адолат учун ҳаракат» партиясидан ташқари Белужистон халқ партияси ва бошқа бир қатор мустақил депутатлар ҳам қўллаб-қувватлади.
Изоҳ (0)