Австрия ташқи ишлар вазирига Путинни ўз тўйига чақиргани учун истеъфога чиқишни таклиф қилишди

Европарламентнинг Австриядан аъзоси, «Яшиллар — Европа эркин альянси» фракциясидан депутат Мишель Реймон Австрия ташқи ишлар вазири Карин Кнайслдан Россия президенти Владимир Путинни ўз тўйига чақиргани учун истеъфога чиқишни талаб қилди. Бу ҳақда сиёсатчи ўз Twitter’ида ёзди, деб хабар қилади «Газета.ru».

Реймоннинг фикрича, Россия президентининг Австрия олий мансабли амалдорининг тўйига таклиф этилиши мамлакат имижига ташқи сиёсий зарар етказиши мумкин.

«Мовий-зангори (коалиция) ҳукумати Евроиттифоқда Россия режимининг узатилган қўли каби қабул қилинади ва мамлакатимиз обрўсига яхши таъсир кўрсатмайди. Бу нафақат Австрия, балки Европага тааллуқли бўлган муаммо. Ташқи ишлар вазири Кнайсл бунинг учун жавобгар ва Австрияга зарар етишининг олдини олиш учун зудлик билан истеъфога чиқиши керак. Агар у буни ихтиёрий равишда қилмаса, федерал канцлер бугун уни ишдан бўшатиш таклифи билан президентга чиқиши керак», — деб ёзди Реймон 16 август куни.

Унинг сўзларига кўра, Австрия ТИВ раҳбарининг тўйи — биринчи навбатда, шахсий тантана, шу сабабли бу воқеа Австриянинг ташқи сиёсатдаги ўрнига таъсир қилмаслиги керак.

Аввалроқ Россия президенти Владимир Путин ҳақиқатан ҳам Австрия ташқи ишлар вазири Карин Кнайслнинг тўйида қатнашиши ҳақида унинг матбуот котиби Дмитрий Песков маълум қилган эди.