BMT bosh kotibi Antoniu Guterrish Kaspiy dengizining huquqiy maqomi haqidagi konvensiyaning imzolanishini ma’qulladi va hujjatni mintaqaviy hamkorlik yo‘lidagi tarixiy muvaffaqiyat deb atadi. Bu haqda “Interfaks” xabar bermoqda.
“Bu tarixiy hujjat xalqaro tinchlik va xavfsizlikni qo‘llab-quvvatlash uchun zarur bo‘lgan mintaqaviy hamkorlik ahamiyatini namoyish qiladi”, — deyiladi BMT rahbari bayonotida.
Bosh kotib konvensiyani imzolagan besh davlat — Rossiya, Qozog‘iston, Ozarbayjon, Turkmaniston va Eronni ushbu tarixiy yutuq bilan tabrikladi.
Eslatib o‘tamiz, 12-avgust kuni Qozog‘istonning Aqtau shahrida bo‘lib o‘tgan “Kaspiy beshligi” sammiti Kaspiy dengizining huquqiy maqomi haqidagi konvensiyaning imzolanishi bilan yakunlandi.
Izoh (0)