Кенияда бегемотни суратга олишга уринган хитойлик сайёҳ ҳалок бўлди. Ҳайвон саёҳатчини ғажиб, ўлдирган. Бу ҳақда The Star хабар берди.
Ҳодиса мамлакат жануби-ғарбидаги Найваша кўли атрофида юз берган. 66 ёшли Чан Мин Чуан ўз дўстлари билан меҳмонхона атрофидаги ҳайвонларни суратга олаётганда бегемот унга ҳужум қилиб, кўкрагидан тишлаб олган. Қон йўқотаётган эркак касалхонага жўнатилган, бироқ шифокорлар унинг ҳаётини сақлаб қола олмаган.
Ҳодисага гувоҳ бўлган кишининг таъкидлашича, Чан ҳайвонга жуда яқин борган, бу эса ҳужумга сабаб бўлган. Найваша кўли қайиқчилари ассоциацияси раисининг сўзларига кўра, сувнинг кўтарилиши бегемотлар характерининг тажовузкор бўлишига хизмат қилади, чунки улар овқат излаб қирғоққа чиқишга мажбур бўлади.
Табиатни муҳофаза қилиш хизмати ходимлари қотил бегемотни изламоқда. Чан йил бошидан буён Найваша кўлида бегемот ҳужумидан ҳалок бўлган олтинчи киши бўлди.
Изоҳ (0)