Навоийда «Энг улуғ, энг азиз» танлови ғолиблари тақдирланди,деб хабар берди Ўзбекистон Матбуот ва ахборот агентлиги.
2018 йил 11 август куни Навоий вилоят Матбуот ва ахборот бошқармаси, Ўзбекистон Журналистлари ижодий уюшмаси вилоят бўлими, Ёзувчилар уюшмаси вилоят бўлими, вилоят телерадиокомпанияси, «Тасвирий ойина» ижодий уюшмаси вилоят бўлими, вилоят маданият бошқармаси, Ўзбекистон Бадиий академияси вилоят бўлими билан ҳамкорликда Ўзбекистон Республикасининг 27 йиллигига бағишланган «Азиз ва ягонамсан, жонажон Ўзбекистоним!» шиори остида «Энг улуғ, энг азиз» танловининг Навоий вилояти босқичи ғолибларини тақдирлаш маросими бўлиб ўтди.
«Босма ОАВ ходимларининг мақолалари», «Телевидение ва радио ижодкорларининг материаллари», «Ёзувчи ва шоирларнинг бадиий асарлари», «Тасвирий санъат, фото асарлари ва дизайн ишлари» каби номинациялар бўйича 60 дан ортиқ муаллифларнинг жами 150 та ижодий ишлари кўриб чиқилиб, холис баҳоланди.
Тантанали тақдирлаш маросимида Ўзбекистон Матбуот ва ахборот агентлиги Бош директорининг биринчи ўринбосари С.Шукуров ҳамда фонд директори С.Юсупов иштирок этди.
Танлов ғолиб ва совриндорларига Навоий вилоят матбуот ва ахборот бошқармасининг диплом ва эсдалик совғалари топширилди.
Изоҳ (0)