8 август, чоршанба куни Бирлашган Миллатлар Ташкилотининг Болалар жамғармаси (UNICEF) Маҳаллий таълим гуруҳининг (MTG) Халқ таълими вазирлиги билан ҳамкорликдаги йиғилиши бўлиб ўтди. Бу ҳақда UNICEF’нинг Ўзбекистондаги ваколатхонаси матбуот хизмати «Дарё»га хабар бермоқда.
Маҳаллий таълим гуруҳи таълим вазирликлари ва халқаро ривожланиш ташкилотлари вакилларидан иборат. Учрашувда 2018—2022 йилларга мўлжалланган таълим соҳаси бўйича иккинчи режанинг стратегик йўналишлари ва дастурларини ишлаб чиқиш масаласи муҳокама қилинди.
2012—2017 йилларга мўлжалланган дастур учун 49 миллион долларлик глобал ҳамкорлик гранти ажратилган.
— Ҳозирги вақтда асосий вазифалардан бири барча таълим вазирликлари орасида мувофиқлаштириш ҳамда мониторингнинг самарали механизмларини ишлаб чиқишдир, — дейди UNICEFнинг Ўзбекистондаги ваколатхонаси раҳбари Саша Грауманн. — Дастур мамлакатда мавжуд муаммоларни енгиш учун мўлжалланган тизим бўлиши лозим.
Изоҳ (0)