Ўзбекистон Президенти Шавкат Мирзиёев 9 август куни атроф-муҳитни муҳофаза қилиш, маиший чиқиндиларни йиғиш ва қайта ишлаш тизимини ривожлантириш бўйича йиғилиш ўтказди. Бу ҳақда Президент матбуот хизмати хабар бермоқда.
Йиғилишда ободонлаштириш бошқармалари моддий-техник базасини янгилаш, бошқарувда замонавий усулларни жорий этиш, чиқинди полигонларини санитар талаблар асосида тартибга келтириш бўйича кўрсатмалар берилди.
Мавзуга доир: Шавкат Мирзиёев: Чиқиндини қайта ишлаш ва ундан энергия олиш бўйича лойиҳалар ишлаб чиқиш керак
Айрим одамларда ҳалигача чиқиндини махсус белгиланган жойга ташлаш, ўз кўчаси ва ҳудудини озода сақлаш маданияти шаклланмагани қайд этилди. Шу боис ҳудудларни ифлослантирганлик учун жавобгарликка тортишнинг таъсирчан механизмларини яратиш бўйича қонун лойиҳаси ишлаб чиқиш зарурлиги таъкидланди.
«Йиғилишда мутасадди раҳбарларнинг ахбороти тингланиб, тегишли топшириқлар берилди», — дейилади Президент матбуот хизмати ахборотида.
Изоҳ (0)