Брэд Питт Анжелина Жолининг алимент бўйича шикоятларига жавобан, унга 9 млн доллар тўлаганини айтди

Голливуднинг энг машҳур киноактёрларидан бири Брэд Питт собиқ хотини Анжелина Жолига ажрашув иши доирасида 9 миллион доллардан ортиқ маблағ тўлаганини айтди, деб ёзади «MK.ru».

Буни Питт Жолининг алимент ҳақидаги даъволарига жавобан айтиб ўтди. Судда у ажрашувдан кейин Питт унга ва болаларига «ҳеч қандай аҳамиятли сумма»ни  тўламаганини таъкидлаган эди.

«Бугунги кундаги иш ҳолатига кўра, жавобгар ажрашган вақтидан буён даъвогар билан умумий фарзандлари тарбияси учун тўла-тўкис молиявий маблағларни тўламаган. Ўтган 1,5 йил мобайнида у харажатлар ҳақидаги норасмий келишувни номунтазам бажариб келган… Шу сабабли Жоли болаларни боқишни таъминлаш бўйича суд ордерини олмоқчи», — деди Анжелина Жолининг адвокати Саманта Блей Дежин.

Актёрнинг ҳуқуқшунослари Жолининг томонини суд жараёнини матбуотда ёртииш орқали манипуляция қилишда айблади, шунингдек, уларнинг мижози гўёки собиқ хотинига у ҳозир яшаётган уйни сотиб олиш учун 8 миллион доллар қарз бериб тургани, бундан ташқари, Жоли ва фарзандларининг 1,3 миллион долларлик ҳисобларини тўлаганини айтди.

Аввалроқ Анжелина Жоли суд орқали собиқ эри Брэд Питтдан болаларни боқиш учун «етарлича пул» талаб қилаётгани хабар берилган эди.