Президент Шавкат Мирзиёев 5 август куни Индонезиянинг Ломбок оролида рўй берган кучли зилзила оқибатида кўплаб инсонлар ҳалок бўлгани муносабати билан Индонезия халқи ва президент Жоко Видодога таъзия изҳор этди. Бу ҳақда Президент матбуот хизмати маълум қилди.
Шавкат Мирзиёев жароҳат олганларнинг тез орада соғайиб кетишига тилак билдирди.
Маълумот учун 5 август, якшанба куни Ламбук оролда 6,9 балли зилзила юз берди. Аввалроқ 80 нафар, кейин 91, бугун эса 142 киши ҳалок бўлгани ҳақида хабар қилинди. Ер силкинишлари қўшни Бали оролида ҳам сезилган. Қайд этилишича, Балида 2 киши ҳалок бўлган.
Бу бир ҳафта ичида Балида юз берган иккинчи зилзиладир. 29 июль, якшанба куни оролда 6,4 балли ер силкинишлари қайд этилган. Шу куни маҳаллий ҳукумат 10 кишининг ҳалок бўлгани ҳақида маълум қилган. 30 июль, душанба куни қурбонлар сони 14 тага етган. Мингдан ортиқ бинога зиён етган. Зилзила 7 километр чуқурликда содир бўлган.
Изоҳ (0)