Яккабоғ туман бўлими собиқ давлат ижрочиси И.Шавкатов у билан тузилган меҳнат шартномаси бекор қилинганлиги сабабли хизмат хонасидан ўзига тегишли буюмларни олиб кетиш мақсадида бўлимга келиб, бўлим бошлиғи Баҳром Жўраев билан тортишиб қолиб, ёнида бўлган ошхона пичоғини қорин соҳасига бир маротаба санчиб, унга тан жароҳати етказганлиги оқибатида Баҳром Жўраев Яккабоғ тумани тиббиёт бирлашмасининг жонлантириш бўлимига ётқизилган.
Мазкур ҳолат юзасидан Яккабоғ туман прокуратураси томонидан 3 май куни Жиноят кодексининг 25- ва 97-моддаси 1-қисми билан жиноят иши қўзғатилиб, айбланувчи И.Шавкатовга нисбатан қамоққа олиш тарзидаги эҳтиёт чораси қўлланилиб, Қашқадарё вилоят прокуратураси 18-бўлим томонидан тергов ҳаракатлари олиб борилмоқда.
Баҳром Жўраев 4 майдан ҳозирги кунга қадар касаллик таътилида бўлгани ҳолда даволаниб келиб, соғлиги ёмонлашгани боис, 13 июль куни Тошкент шаҳрига келтирилган.
Бироқ, Баҳром Жўраев 1 август куни соат 21:30 да Тошкент шаҳридаги Шошилинч тиббий ёрдам кўрсатиш Республика илмий марказининг жонлантириш бўлимида вафот этган, дейилади Бош прокуратура матбуот хизмати томонидан «Дарё»га тақдим этилган ахборотда.
Изоҳ (0)