Ўзбекистон Ички ишлар вазирлиги Пост-патруль хизмати ва жамоат тартибини сақлаш бош бошқармаси бошлиғи подполковник Дилшод Акрамовнинг мурдаси 4 август куни соат тахминан 21:10 да пойтахтнинг Тарас Шевченко кўчасидаги ўз хизмат хонасида қотиллик аломатлари билан топилган.
Бу ҳақда, Бош прокуратурага асосланиб, «Газета.uz» хабар бермоқда. Дилшод Акрамов 2018 йил июль ойида бош бошқарма бошлиғи этиб тайинланган эди.
Шу куннинг ўзидаёқ Тошкент прокуратураси Жиноят кодексининг 97-моддаси 2-қисми «ж» банди («ўта шафқатсизлик билан қасддан одам ўлдириш») аломатлари билан жиноят иши қўзғаган. Ҳозирги вақтда тергов-суриштирув ишлари олиб борилмоқда.
Изоҳ (0)