Жиноят ишлари бўйича Самарқанд шаҳар судининг 2018 йил 1 августдаги ажримига муфовиқ, айбланувчи, 64-сонли махсус мактаб-интернат тунги тарбиячи ёрдамчиси лавозимида ишлаган Шерзод Очиловга нисбатан «қамоққа олиш» тарзидаги эҳтиёт чораси қўлланилди, деб хабар беради «Газета.uz».
Жиноят ишлари бўйича Самарқанд шаҳар суди томонидан Ўзбекистон республикаси Жиноят кодексининг 110-моддаси (қийнаш) 2-қисми «а» бандида назарда тутилган жиноятни содир этганликда айбланаётган, 64-сонли алоҳида шароитларда таъминлаш, тарбиялаш ва таълим беришга муҳтож болалар учун ихтисослаштирилган мактаб-интернати тунги тарбиячи ёрдамчиси лавозимида ишлаган Шерзод Очиловга нисбатан Самарқанд шаҳар прокуратурасининг «қамоққа олиш» тарзидаги эҳтиёт чорасини қўллаш тўғрисидаги илтимосномаси кўриб чиқилди ва қанотлантирилди.
Шерзод Очилов 1994 йилда Самарқанд вилоятининг Пастдарғом туманида туғилган, миллати ўзбек, Ўзбекистон Республикаси фуқароси, маълумоти — олий, уйланмаган, муқаддам судланмаган, Самарқанд вилояти Халқ таълими бошқармасига қарашли 64-сонли мактаб-интернатида тунги тарбиячи ёрдамчиси лавозимида ишлаб келган.
Маълумот учун 64-сонли алоҳида шароитларда таъминлаш, тарбиялаш ва таълим беришга муҳтож болалар учун ихтисослаштирилган мактаб-интернатида мансабдор ва масъуллар томонидан тарбияланувчилар тизимли равишда қийноққа солиб келингани ҳолати бўйича аввалроқ мактаб-интернати собиқ директори Шуҳрат Садиновга нисбатан ҳам «қамоққа олиш» тарзидаги эҳтиёт чораси қўлланилган эди.
Изоҳ (0)