Ўзбекистон Марказий банки қонунчиликка биринчи марта «рақамли банк» терминини киритди, деб ёзади Spot Марказий банк бошқарувининг «Банкларни рўйхатга олиш ва улар фаолиятини лицензиялаш тартиби тўғрисидаги низомга ўзгартиришлар ва қўшимча киритиш» ҳақидаги қарорига таяниб.
Ҳужжатда қайд этилишича, рақамли банк — инновацион банк технологияларидан фойдаланган ҳолда (касса хизматини кўрсатмасдан) банк хизматларини масофавий кўрсатувчи банк ёки унинг таркибий бўлинмаси.
Рақамли банклар томонидан банк хизматларини масофавий кўрсатиш банкнинг ички тартиб-қоидаларига асосан қонун ҳужжатлари талабларини инобатга олган ҳолда амалга оширилади.
Изоҳ (0)