Click компанияси Давлат Тест Маркази билан ҳамкорликда олий ўқув юртларига топширилган имтиҳонларнинг натижаларини мобил телефон орқали билиб олиш имконини берувчи хизматни ишга туширди. Бу ҳақда компания матбуот хизмати хабар бермоқда.
Давлат Тест Маркази билан ҳамкорликда туширилган хизмат ёрдамида бугунги кундан бошлаб тест натижаларини билиб олиш мақсадида сўров юборилиши мумкин. Тест натижалари ошкор қилинганидан сўнг, жавоблар дарҳол фойдаланувчига юборилади.
«Натижалар ошкор қилинишидан аввал қабул қилинган сўровларга биринчи навбатда ишлов берилади. Абитуриентлар имтиҳонларнинг аниқ санасини, жойини ва вақтини, ўз паспортининг рақамини http://testday.dtm.uz/ сайтида киритиб билиб олишлари мумкин!», — дейилади хабарда.
Сўровлар Telegram бот, Click Uzbekistan иловаси, ёки USSD-меню орқали юборилиши мумкин. Хизмат нархи 2300 сўм ва Click тизимига уланган карталаридан бевосита ундирилади.
Telegram орқали жавобларни олиш учун @clickuz ботига /start буйруғини юбориш лозим. Рўйхатдан ўтилгандан сўнг, «DTМ-2018 натижалари» пункти чиқади. Бу ерга жавоб варақасининг рақамларини киритиш лозим.
USSD-меню орқали натижаларни билиш учун, *880# ни териб, пайдо бўлган менюдан «DTМ-2018» қисмини танлаган ҳолда, тизимнинг кўрсатмаларига риоя қилиш лозим.
Изоҳ (0)